Assamese Poetry

মাজুলী, ২০২১

মাজুলী, ২০২১

মন গ’লেও কলৈকো যাব নোৱাৰোঁ, চৌদিশে পানীহে জলেমলায় অ’, বোপাই ! মন গ’লেও যাব নোৱাৰোঁ ওলাই। তহঁতে হে কৱ’ সৰু হৈ অহা পৃথিৱীৰ কথা, বোপাই অ’, আমাৰচোন বাটটোৱে নাই ধৰণী চোৱাৰ ! যি ফালে চকু থওঁ, সাগৰহেন বন্ধ দুৱাৰ ৷ কলৈনো যাম কেনিনো চাম কেতিয়াকে দেখা পাম কাক ক’ব নোৱাৰোঁ বোপাই ! আমাৰ যন্ত্ৰণাৰ এচোৱা পাৰ যদি তইও কবিচোন ৰাজহাউলীত ! চোৱাৰীৰ এচাৰিৰ মিছা আৱাজতো দৌৰে প্ৰশাসনৰ য’ত ঘোঁৰা ৷ পাৰ যদি তইও কবিচোন কিজানি কিঞ্চিৎ সলনি হয়েই আমাৰ জীৱন ৰেখা ! সেউজীয়া চাবলৈ কলৈ যাম জীৱনৰ মাধুৰী চুবলৈ ক’ত পাম ক’ব পাৰে মাথোঁ অধিকাৰ প্ৰভূৰ কৃপাইহে জানা? নিজৰ বাটে…
Read More
জোনাকৰ জোনাকী

জোনাকৰ জোনাকী

শৰতৰ আগমনি অনুভৱৰ পদুলি উদুলি -মুদুলি শেৱালি -নেৱালিৰ গোন্ধত আমোলমোলনি | সন্ধিয়াৰ আকাশত আশাৰ ৰেঙনি দেখাপাম নে তোমাক কেতিয়াবা কিজানি | নিয়ৰৰ মুকুতাই উজলাই দুৱৰি বাৰে বাৰে চাওঁ আকাশৰ তৰালি | জোনাকৰ জোনাকীৰ আৱেগৰ চাৱনি প্রেম-ভালপোৱাৰ আগতীয়া জাননি জোৰকৈ সাৱটে উমাল বুকুখনি | কবিতা বৰা
Read More
স্তব্ধ বসন্ত

স্তব্ধ বসন্ত

বৈধব্যৰ শুদ্ধিকৰণ মন্ত্ৰ থকাহেঁতেন শ্যামলী ওৰণিৰ উম লৈ আকৌ এবাৰ শিহৰিত হ’লহেঁতেন ভাগ্যৰেখাৰ স্তব্ধ হৃদপিণ্ড! ৰুক্ষ শিলৰ হেঁচাত সেপধুকি থকা তগৰ-মালতীয়ে ফাগুনক মেৰিয়াই সাঁতুৰিলেহেঁতেন হেঁপেহুৱা অনুভৱৰ উমাল বক্ষত, স্বপ্নীল ৰূপালী মুকুতাই উটুৱাই নিলেহেঁতেন ফেঁকুৰি-উচুপি ভাগৰি পৰা ওঁঠৰ গাঢ় ছাইৰঙী আভৰণ৷ নঙলাৰ আগেদি পাৰ হৈ যোৱা শিশুজাকৰ হাই-উৰুমিত পুনৰ সাৰ পায় বেলিৰ স’তে ডুব যোৱা দুখুনীৰ বসন্ত... শাঁখা ভঙা কৰ্কশ শৱদত সন্ত্ৰস্ত জীৱন, কাৰাৰুদ্ধ যৌৱনৰ বিমূৰ্ত ক্ষণ! গৌতম মালাকাৰ ,কৰিমগঞ্জ  
Read More
মহালয়া

মহালয়া

সৰ্ব পিত্ৰ অমাৱস্যাৰ পুৱতি নিশা দুৰ্গতিনাশিনী মা দুৰ্গাৰ সৰগৰ পৰা মৰ্ত্যলৈ আগমন ! চণ্ডী পাঠ, মন্ত্ৰোচ্চাৰণ আৰু আন্তৰিক শ্ৰদ্ধা, ভক্তিৰ ষোড়শোপচাৰেৰে তোমাৰ চৰণ সিক্ত কৰি কাকূতি কৰো মা, মৰ্ত্যত উপৱিষ্ট হৈ অসূয়া অশান্তি নিবাৰণ কৰি দুষ্কৃতিৰ কৰা বিনাশ ! হে মা, তোমাৰ আগমনত উৎফুল্লিত প্ৰকৃতি ৰাণীৰ তোমাক আদৰাৰ বাবে কত' যে আয়োজন ! সুনীল আকাশত শুকুলা মেঘে ডেউকা লগাই ভিন্ন শৈলীৰ চন্দ্ৰতাপ তৰিছে ! শেৱালিৰ শুভ্ৰপাহিয়ে মৃদুমধুৰ সুবাসেৰে প্ৰতি পুৱাই শ্যামলী ধৰণীত দলিচা পাৰিছে ! বিৰিখ-লতিকাক শিশিৰ কণিকাই আদৰেৰে মুকুতাৰ মণিহাৰ পৰিধান কৰাইছে ! নৈ, বিল, জলাশয়ৰ পাৰৰ কহুৱাই মনৰ উলাহত হালিছে জালিছে ! সোণগুটিক গৰ্ভত ধাৰণ কৰি ধাননিডৰাই সপোনৰ…
Read More
যুগনায়কলৈ শ্ৰদ্ধাঞ্জলি

যুগনায়কলৈ শ্ৰদ্ধাঞ্জলি

আকৌ এবাৰ সুঁ‌ৱৰিছোখুলি দিছো হৃদয়ৰ খিড়িকী,সোমাই আহক এজাক প্ৰতিবাদী বতাহ।শিৰাই শিৰাই ধমনীয়ে ধমনীয়ে বৈ যাওকলুইতৰ পাৰৰ ৰণুৱাৰ তেজ।হে' যুগনায়ক,পুনৰবাৰ কৰিছো অৰ্পণভকতিৰ একাঁ‌জলি অৰ্ঘ্য,শ্ৰদ্ধাৰ এপাহি সুগন্ধি পুষ্প।লুইতে আজি কথা কয়,দেশৰ কথা,জাতিৰ কথা।মহাবাহুৰ সোঁ‌তে সোঁ‌তে শুনোঅন্যায়, শোষণ মষিমূৰ কৰিবলেবিপ্লৱী সত্তাৰ আকুল আহ্বান,জনতাৰ জয়গান।জননায়কৰ গীতেৰে পুনৰ উচ্ছাসিত হওকমোৰ আপোন মানুহ,মোৰ সোণালী শইচৰ দেশ,মাটিৰ মানুহৰ লুণীয়া ঘামেৰে সিক্তমোৰ দেশৰ উৰ্বৰা পথাৰ।নাঙলৰ শকতিৰে বলীয়ানমোৰ দেশৰ পাহুৱাল ডেকাৰতেজে তেজে বৈ যাওক আকৌ এবাৰযুগনায়কৰ অসমীয়া সত্তা। জাহ্নৱী বৰাচন্দন নগৰ, যোৰহাট
Read More
শুভ জন্মদিন জাতিৰ পিতা

শুভ জন্মদিন জাতিৰ পিতা

শুভ জন্মদিন মহাত্মা, বহুতো ভাল লগা কথা আৰু দৰ্শণ তুমি দি যোৱাবোৰৰ বাবেই ভালপাওঁ তোমাক ৷৷ সুতীব্ৰ আকৰ্ষণ তোমাৰ প্ৰতি মোৰ•••••• মাত্ৰ এটা কথা, যি আদৰ্শৰে দেশখন পৰাধীনতাৰ পৰা স্বাধীন হৈছিল, তাৰপৰা আমি যে কিমান দূৰলৈ গুছি আহিলো তোমাৰ কাষৰ পৰা••••• এবাৰ হিচাপ কৰিবাছোন  ৷৷৷ হিচাপ পাবলৈ সময় নালাগিব বৰ বেছি, আমিটো সাধাৰণ মানুহ,হে জাতিৰ পিতা•••• অকনমানতেই নিজকে পাহৰি যোৱাকৈ সুখী হৈ পৰো, তুমি মাত্ৰ এবাৰ ভাবি চোৱা তোমাৰ পৰা আমাৰ ব্যৱধান কিমান যে বাঢ়িল••••• আজি তোমাৰ জন্মদিন, আমি টিভিত তোমাৰ চিনেমা চাম অহিংসা নীতিৰ কথা শুনিম; হস্পিতাল, অনাথ আশ্ৰম আৰু বৃদ্ধাশ্ৰমত ফলমূল বিতৰণ কৰিম••••• আৰু পুৰণি বাকচ খূছৰি খাদী…
Read More
আমনি

আমনি

আমনি লাগিছে আৰু নোৱাৰো সহিব আৰু কেতিয়ানো সেই আগৰ ধৰণীখন ঘূৰাই পাম, কেতিয়ানো পুনৰ মুকলিকৈ থাকিবলৈ পাম, আগৰ দৰে ফুৰিবলৈ ওলাই যাবলৈ পাম? সচাঁই আমনি লাগিছে বহুত বহুত আমনি লাগিছে। মনত এটা ভয় লৈ কিমান আৰু বাট চাম, এবছৰেই পূৰ্ণ হ'বৰ হ'ল ভাল দিন আহিব - ভাল দিন আহিব বুলি নিজকে আৰু কিমান নিচুকাম ? কিনো যে হ'ল? ঘপকৰে সকলো সলনি হৈ গ'ল। সৌ সিদিনা মহীশূৰৰ ৰাজ অট্টালিকা চাই আছিলোগৈ, বাংগালোৰৰ টেকন' চিটিত ভুমুকি মাৰিছিলোগৈ, কিন্তু ঘপকৰে কোনো আগজাননি নিদিয়াকৈ সকলো স্তব্ধ হৈ গ'ল। যেতিয়াই ঘৰৰপৰা বাহিৰলৈ ভুমুকিয়াই চাঁও সকলোটো একেই দেখো, বিশেষ পাৰ্থক্য একোটো নেদেখো, মাথো মানুহৰ ভীৰ-অত্যাচাৰ আদি…
Read More
যদি মানুহ হৈ নোৱাৰো,পখী হৈ উভতিম এদিন

যদি মানুহ হৈ নোৱাৰো,পখী হৈ উভতিম এদিন

মোৰ বাবে অপেক্ষা কৰিবা মধুপুৰ নেত্ৰকোনাঅপেক্ষা কৰিবা জয়দেবপুৰৰ চাৰিআলি বোৰ,মই উভতিম, ভীৰৰ মাজত হুলস্থুল কৰিম,সাহসৰ অসীম বন্যাতঅপেক্ষা কৰা,আপোন ঘৰ, নেমুতলা আৰু গোল্লাচুটৰ পথাৰ ৷৷ অপেক্ষা কৰিবা,আফজল হুছেইন, খাইৰুণ নেছাঅপেক্ষা কৰা ঈদূলআৰা,মই উভতিম, পূৰ্ণিমাৰ গান গাবলৈ, ঝুলনাত ঝুলিবলৈ, বাঁহনিৰ পুখুৰীত বৰশী পেলাম মই ৷৷ মই উভতিম,ভালপোৱাৰ বাবে, হাঁহিৰ বাবে, জীৱন জৰীত পুনৰ সপোন গাঁঠিবলৈ ৷৷অপেক্ষা কৰিবা মতিপুখূৰী, শান্তিনগৰ আৰু ফেব্ৰুৱাৰীৰ গ্ৰন্থমেলা•••• মেঘবোৰ উৰিছে পশ্চিমৰ পৰা পূৱলৈ, তাতেই পঠিয়াইছো দুটোপাল চকুৰ নীড়গোলপুখূৰীৰ পাৰৰ ঘৰত টিনৰ চালিৰ বৰষুণ•••• শীতৰ পক্ষীবোৰ পশ্চিমৰ পৰা পূবলৈ গৈছে,এটি পলকতেই পাবহি শাপলগা পুখুৰী বা বঙ্গোপ সাগৰ ৷৷ ব্ৰক্ষ্মপুত্ৰ শুনিবা, মই উভতিম ৷৷শুনা শাল বিহাৰ, মহাস্থানগড়, সীতাকুণ্ড পাহাৰমই উভতিম…
Read More
অৰাজনৈতিক বুদ্ধিজীৱি সকল

অৰাজনৈতিক বুদ্ধিজীৱি সকল

এদিন এইদেশৰ অৰাজনৈতিক বুদ্ধিজীৱি সকলক নাঙঠ আৰু ভোকাতুৰ জনতাই প্ৰশ্ন কৰিব ৷৷ তেওঁলোকে সুধিব যেতিয়া সৰু সৰু ফিৰিঙতিৰ পৰা ব্যাপক অগ্নিয়ে তেওঁলোকৰ জাতি আৰু সত্বাক পুৰি পুৰি নি:শেষ কৰিছিল ক্ৰমান্বয়ে তেতিয়া সিহঁতে কি কৰিছিল? অৰাজনৈতিক বুদ্ধিজীৱি সকলক কোনেওঁ নুসুধিব সিহঁতৰ প্ৰিয় পোচাক, ৰং, বাহন অথবা মধ্যাহ্ন ভোজনৰ পিছত ক্ষণিক জিৰনি লোৱা সময়খিনিৰ কথা•••• কোনোৱে জানিবলৈ নিবিচাৰিব সিহঁতৰ শূন্য মস্তিষ্কৰ নিস্ফল বৌদ্ধিক প্ৰতিদন্দীবোৰৰ কথা হয়তো সিহঁতৰ উচ্চ আৰ্থিক উপাৰ্জন আৰু জ্ঞান বিদ্যাও হ'ব নিতান্তই হাস্যকৰ ৷৷ সংবিধানৰ কথা সোধা নহ'ব সিহঁতক, হয়তো সন্মানো দিয়া নহ'ব সিহঁতৰ পচন্দ অপচন্দবোৰক•••• যেতিয়া সিহঁতৰো এজন দুজন জাহ যাব সেই জুইত কাপুৰুষৰ দৰে বিনাপ্ৰতিবাদে ৷৷ নীৰৱতা…
Read More
ত্ৰিৰংগা মোৰ আজন্ম গৌৰৱ

ত্ৰিৰংগা মোৰ আজন্ম গৌৰৱ

নীলা আকাশত যেতিয়া লহৰ তুলে গৰিয়সী ত্ৰিৰংগাই মই সগৌৰৱে মূৰ তুলি চাওঁ প্ৰবাহিত হয় মোৰ হৃদয়ত মোৰ প্ৰাণত, দেহৰ শিৰাই শিৰাই গেৰুৱা, বগা আৰু সেউজীয়া ৰং উশাহত টানি লওঁ বতাহে বতাহে বিয়পি থকা মোৰ দেশৰ স্বাভিমান মোৰ দেশৰ জয়গান আৰু এক অদম্য দেশপ্ৰেমবোধে জগাই তোলে অনিৰুদ্ধ স্পৃহা প্ৰদান কৰে অফুৰন্ত শক্তি ত্ৰিৰংগা মোৰ আজন্ম গৌৰৱ প্ৰতিটো লহৰে বিয়পাই এক গভীৰ আস্থা, উন্নত শিৰেৰে জীয়াই থকাৰ এক গভীৰ আত্মসন্মানবোধ মূৰৰ ওপৰত যেন এক গভীৰ প্ৰত্যয়ৰ প্ৰতিশ্ৰুতি এক অভেদ্য নিৰাপত্তাৰ আচ্ছাদন.. ডঃ বিভা চেতিয়া বৰা
Read More