অসমীয়া মানুহৰ পৰম্পৰাগত সাজ-পাৰ

অসমীয়া মানুহৰ পৰম্পৰাগত সাজ-পাৰ

(নাৰী আৰু পুৰুষ নিৰ্বিশেষে)

ইতিহাসে বৰ্ণাব পৰা দিনৰে পৰা অসমীয়া মানুহে শালত কাপোৰ বৈ নিজৰ প্ৰয়োজনীয় সাজ-পাৰ আৰু ব্যৱহাৰ্য্য আন কাপোৰ ঘৰতে প্ৰস্তুত কৰিছিল ৷ কপাহী কাপোৰৰ উপৰি এৰী, পাট, মুগা, তাচ পলুৰ লেটাৰ পৰা সুতা প্ৰস্তুত কৰি তাৰ পৰা গামোচা, ধুতী/চুৰীয়া, মেখেলা-চাদৰ, পাগুৰি, চোলা, কমৰবন্ধনি, হাঁচতি আদি ভাগে ভাগে বৈ উলিয়াইছিল ৷ সুতাৰ আকাৰ আৰু প্ৰকৃতিৰ লগতে নিৰ্মাণ কুশলতা (technique) আৰু আৰ্হি (design) একেৰূপৰ কাপোৰৰ নাম আৰু ব্যৱহাৰ বেলেগ আছিল ৷ তলত তেনে আৰ্হি অনুসৰি নামৰ তালিকা এখন প্ৰস্তুত কৰাৰ চেষ্টা কৰিছোঁ ৷ কিবা ভুল অথবা সংযোজন থাকিলে সূধী বৃন্দই সোঁৱৰাই দিবলৈ নাপাহৰিব ৷

বিবিধ ধুতী/ চুৰীয়া

১/ কপাহী বা সুতীৰ ধুতী/চুৰীয়া

২/ এৰী ধুতী/চুৰীয়া

৩/ মুগাৰ ধুতী/চুৰীয়া

৪/ বৰচুৰীয়া

৫/ কপাহী ধুতী/চুৰীয়া

৬/ পাটৰ চুৰীয়া

৭/ মেজাংকৰী-পাটৰ চুৰীয়া

৮/ চিকন পাটৰ চুৰীয়া

৯/ ঢলাপাটৰ চুৰীয়া

১০/ তাচ কাপোৰৰ ধুতী/ চুৰীয়া

১১/ পানচ’পা বা চ’পাপতীয়া কাপোৰৰ ধুতী/ চুৰীয়া

লগতে,

১/ ইজাৰ (এবিধ ঠেঙা) আৰু

২/ লহঙা (সুত্ৰধাৰ আৰু গায়ন-বায়ন ঠেঙা)

 বিঃদ্ৰঃ – ধুতী আৰু চুৰীয়াৰ জোখ ৮ হাতৰ পৰা ১২ হাতলৈ দীঘল হ’ব পাৰে ৷ দীঘ অনুসাৰি ৮হতীয়া, ১০হতীয়া আৰু ১২হতীয়া ধুতী/চুৰীয়া কোৱা হয় ৷ চুৰীয়া আঠুমুৰীয়াকৈ পিন্ধা হৈছিল আৰু ধুতী গেৰোহালৈকে ওলোমাই পিন্ধা হৈছিল ৷

বিবিধ গামোচা

১/ পানী গামোচা

২/ ফুলাম গামোচা

৩/ আক্ লা গামোচা

৪/ কেঁচাসুতাৰ গামোচা

৬/ পকোৱা বা মিহি সুতাৰ গামোচা

৭/ উকা গামোচা

৮/ পাৰি দিয়া গামোচা

৯/ অানাকটা গামোচা

১০/ যোৰ গামোচা বা দৰা বৰণৰ গামোচা

১১/ মুখচা (মুখ মচা গামোচা)

১২/ তিয়নী বা বৰগামোচা

১৩/ ফুটুকী গামোচা

১৪/ তেলচ

* * গামোচা সদৃশ বস্ত্ৰ

১/ উৰমাল (ৰুমাল)

২/ টঙালি

৩/ কমৰবন্ধ

৪/ বচোৱাল (ফুলাম টঙালী বিশেষ)

৫/ জৰদত টঙালি

৬/ নেট (পাটৰ টঙালি )

৭/ পখৰুটং (হাঁচতি বিশেষ) ইত্যাদি

৮/ পাজাৰ বা পঁয়জাৰ (গামোচা বিশেষ)

পুৰুষৰ বিবিধ চাদৰঃ

১/ চেলেং

২/ অনাকটা চেলেং

৩/ মগৰ দিয়া চেলেং

৪/ উড্ডীয়ান (কান্ধত লোৱা এৰী/পাট/মুগাৰ চেলেং)

৫/ বৰ কাপোৰ

৬/ ঢৰীয়া চাদৰ

৭/ মৰুৱা চাদৰ

৮/ খনিয়া চাদৰ ( এৰী সুতাৰ)

৯/ পাছাৰা (জাৰত উৰা কাপোৰ)

১০/ বিকিৰা চাদৰ (এৰী সুতাৰ)

১১/ ভাংৰা বা ভাংগুৰা চাদৰ (এৰী সুতাৰ)

১২/ বগলা দিয়া চাদৰ (ৰূপৰ গুণাৰ বনকৰা)

১৩/ গলবন্ধনী

১৪/ থংগা (নোমাল গৰম কাপোৰ, নাৰী পুৰুষ উভয়ৰে)

১৫/ নিহালি বা কাথা (পুৰণি কপাহী কাপোৰ তৰপে তৰপে চিলোৱা)

পাগ বা পাগুৰি

১/ বোলোৱা পাগ

২/ বৰ পাগ

৩/ উকা পাগ

৪/ চিকন পাগ

৫/ পাটৰ পাগ

৬/ মুগাৰ পাগ

৭/ মথুৰা পাগ

৮/ ফচৌ বা ফচৌপাগ

৯/ মোগলাই পাগ

১০/ কুহুমবুলীয়া পাগ

১১/ গুণাকটা পাগ

১২/ হাঁচতি পাগ

১৩/ কুনমিন পাগুৰি

১৪/ মূৰ-হাঁচতি পাগ

১৫/ ফুলবছা পাগ

১৬/ সোণ ফুল বছা পাগ ৷ ইত্যাদি ৷

চোলা

ক) মহিলাৰচোলা

১/ কাঁচুলি

২/ মজা জামা (নৰ্ত্তকীৰ চোলা)

খ) পুৰুষৰ চোলা

১/ চাপকন

২/ আৰণি চাপকন

৩/ হলৌ চোলা

৪/ এঙা/এঙ্গা চোলা

৫/ নৰা চোলা

৬/ বকু/বুকু চোলা

৭/ মিৰজাই বা ফুটুৱৈ চোলা

৮/ মোগলাই চোলা

৯/ গোমচেং চোলা

১০/ চাটন চোলা

১১/ বুটাদাৰ/বুটাবছা (চাটন) চোলা

১২/ জালি চোলা

১৩/ ঘাগৰা

১৪/ দৰাৰ জামাচোলা

১৫/ ৰূপৰ বেড়িদিয়া চোলা (ৰজা আৰু ৰাজপুৰুষৰ )

১৬/ জলম চোলা

১৭/ মজা-জামা (বহুৱাৰ ভাও দিয়া ঢুলীয়াৰ চোলা)

বিবিধ মেখেলা

১/সুতী (চাতন) বা কপাহী মেখেলা

২/ বুটাবছা মেখেলা

৩/ পাটৰ মেখেলা (উকা বা সুতা আৰু গুণাৰ বনকৰা)

৪/ গুণাৰ বনকৰা কিংখাপ মেখেলা

৫/ মেজাংকৰী পাট মেখেলা

৬/ গোমচেং পাট মেখেলা

৭/ মুগাৰ মেখেলা

৮/ মেথনি

৯/ কঁকাল বন্ধা মেখেলা

১০/ ফুলবছা মেখেলা

১১/ গাঢ়িদিয়া/গাৰিয়লি মেখেলা

১২/ কাৰছিপি বনকৰা (জ্যামিতিক আৰ্হি) মেখেলা

১৩/ গুণাকটা মেখেলা

১৪/ নৰা মেখেলা

 বিবিধ চাদৰ

১/ উকা ৰিহা

২/ দহিঅলীয়া ৰিহা

৩/ গাৰিয়লী ৰিহা

৪/ গুণাকটা ৰিহা

৫/ কেছবছা ৰিহা

৬/ আচুঅলীয়া ৰিহা

৭/ বৰৈলগা ৰিহা

৮/ উকা চাদৰ ( সুতা, পাট বা মুগা)

৯/ কপাহী চাদৰ

১০/ বনকৰা চাদৰ (বেজী-সুতাৰ কাম)

১১/ গাৰিয়লী চাদৰ

১২/ বৰৈলগা চাদৰ

১৩/ ৰেচমী এৰী চাদৰ

১৪/ ৰেচমী মুগাৰ চাদৰ

১৫/ ৰেচমী পাটৰ চাদৰ

১৬/ ৰেচমী মেজাংকৰী চাদৰ

১৭/ ৰেচমী কিংখাপৰ চাদৰ

১৮/ মৰুৱা চাদৰ

১৯/ বগলা দিয়া চাদৰ (ৰূপৰ গুণাৰ বনকৰা)

২০/ বানাত (সোণ-ৰূপৰ গুণাৰে বুটাবছা উমাল চাদৰ)

২১/ পাছাৰা/পাছুৰা চাদৰ

২২/ আলোৱান (মূৰে-গাৱে মেৰিয়াব পৰা চাদৰ বিশেষ)

২৩/ গাতালা (মেথনিৰ সতে বুকু ঢাকিব পৰা চাদৰ)

২৪/ এণ্ডি চাদৰ (স্কাৰ্ফ জাতীয়)

২৫/ থংগা (নোমাল গৰম কাপোৰ, নাৰী পুৰুষ উভয়ৰে)

২৬/ ঝৰদাৰ বা মুংজুৰি (স্কাৰ্ফ জাতীয়)

✍ ড° জয়ন্ত কুমাৰ দাস

🏠